زړه مې ستا د غم و غشيو ته سپر دی

زړه مې ستا د غم و غشيو ته سپر دی

دا سپر په معنی امن د خطر دی

چې ديار له لوريه غشی په يارۍ کې

هغه غشی غشی نه دی نيشکر دی

د دنيا ښادي همه غمجنو وکړه

بې روژې عالم له عيده څه خبر دی

که ستا هېڅ په ما پوره نه دي دلبره

خدايگو ما لره بې تا د دين ضرر دی

کا ظاهر په صورت يم په معنی نه يم

لکه حرف چې د لا کښلی په دفتر دی

بې له اسمه مې نور هېڅ نشته له جسمه

د الام په خوله د نورو مکرر دی

خو ستا قد زما په سترگو کې خدای نقش کړ

گڼه دلته يو وېښته په مثال غر دی

د رحمان عقل ترې ځارشه څو څو واره

هر کم عقل چې د ستا په عشق اوتر دی