اخر به ستا ظلم و ستم جو وجفا تېره شي

اخر به ستا ظلم و ستم جو وجفا تېره شي

په مابه هم ښه وي که بده دا دنيا تېره شي

ظلم و ستم دې بې قرار کړلو قرار زما

ستا به هم دا ښايسته ځواني دناز خندا تېره ش ي

صحرا دنور شومه يو ځای کې مې قرار نه شي

لکه هوسۍ په منډو منډو ورځ په ما تېره شي

چرته مې ځای د شکايت نشته بې تا څه وکړم

تاته گيله چې کړم له تانو په خندا تېره شي

ستا له طرف نه راوړي تل ماته پيغام داجل

په بستره مې چې هوا د سپين سبا تېره شي

تل به په تا جور و جفا نه وي هم داسې حمزه

زړه کې وفا به کله يا د بېنوا تېره شي