غزل ګوره چې خندا کوې په سترګو کې امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ګوره چې خندا کوې په سترګو کې کار د مسیحا کوې په سترګو کې 02 یو ته قهر، بل ته مهر شابسې دا کوې، هم دا کوې په سترګو کې 03 ای نظره، نن یې تصور شو جوړ څه شوې، تماشا کوې په سترګو کې؟ 04 اوښکو دې کافور کړه د هجران نشه قدح د صهبا کوې په سترګو کې 05 مخ دې که وعدې د سبا تل کوي یاره، ته بېګا کوې په سترګو کې 06 ستا له ژبې خوند کوي اشنا دروغ څو، که ته رښتیا کوې په سترګو کې 07 ښکاري چې ته ساتې د ژبې اعتبار تل چې ته وینا کوې په سترګو کې 08 شوې په اشنایۍ کې نااشنا ځکه ځای د هر اشنا کوې په سترګو کې 09 زه حمزه دعا درته په خوله کوم ته راته ښکنځا کوې په سترګو کې د قاموس مانا × اصلي کلمه
