اثبات د نبوت

محمد چې پيغمبر دی

ستا په کوم دليل باور دی

دليل دا چې معجزات

لري دی بې نهايات

معجزه يې قرآن دی

چې راغلی په ښه شان دی

عرب ډېر فصيح زبان وو

دانشمند دخپل آوان وو

اتفاق يې په دا کار و

له قرآنه يې انکار و

مدعي د مصطفی وو

په بطلان يې په غوغا وو

څه که دين دده باطل کړو

سحر گر يا يې چې بل کړو

جدلونه يې بر پای کړه

کوششونه يې په رای کړه

يو آيت لکه قرآن و

چا ونه وی هسې گران و

په دا کار کې سرگردان شول

اخر خاوری د قرآن شول

همگي واړه عاجز شول

د رسول په دين فايز شول

ٌقرآن درست واړه متين دی

معجزه تر بې و سين دی

د عيسی معجزه دا وه

د مړ ده و په احيا وه

دموسی عصا به مار شوه

يا به ونه په اثمار شوه

معجزه د محمد شته

يو قرآن دې کې سرمدشته

که تر شرق تر غربه واړه

فصيحان سازه کا غاړه

يو ايت له قرآن دی

را به نه وړي هسې گران دی

په اعجاز يې کړه دوه نيمه

هومره اوه ځمکې جسيمه

بل گويا ورته کباب شه

بل يې لاس چشمه د آب شه

بل سوسمار ورنه خبر

په ښکاره وکړه نادر

په اعجاز يې وبله پور

اوبه ښې شوې تلخې شور

په فراق دده نالانه

دمسجد ستنه شوه جانه

په هوا وو اووه پاسه

غر دده د سر د پاسه

چې يې وبلله ونه

ورته راغله لويه پلنه

ده به وښېيل څيزونه

چې به ورک شول په ملکونه

معجزې يې وې بې شماره

زه يې څو کښم درته ياره

که يې کښم کتاب اوږدېږي

دانايان به خود پوهېږې