اوه دېرشم فصل - په بيان دچمجي د باز کې

يو چمجی د قبل قورت غوندې دراز وي

لا څه غټ په دا چې غم الم د باز وي

هيڅ آزار ددې چمجي و باز ته نه وي

په دارو يې بر طرف کا بد که ښه وي

چې خيرنې طعمې باز و خوري بد شرې

دا چمجي شي ترې پيدا لکه ژورې

قنبيله د خولې اوبه سره ممزوج کا

د طعمې سره يې ور کا دا خروج کا

چې پيخال سره يې واړه چمجي پرېوځي

يا په دا اويا په نورو دارو پرېوځي

دار چيني چې پر مهرې سره باز خورينه

د چمجي علت په ځان کېنه پرېږدينه

دې زحمت لره چې باز د غوا غوړي خوري

د غوا غوړ هم په ډکه سره چمجي وري