غزل ايمل خان، دريا خان دواړه په ښه رنگ تېر شول په ننگ کې خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ايمل خان، دريا خان دواړه په ښه رنگ تېر شول په ننگ کې د دواړو په فراق کې زما تل اه و ماتم دی 02 چې د عشق په گرانه لار کې ډېر خطر دی هر قدم چې پکې اخلم، ډار د سر دی 03 که سينه مې سره چاک کړې، وبه وينې چې مې ستا له غمه وينې درست ځيگر دی 04 ستا د مهر باران نه ووري، چې شين شي ما په زړه کرلی ستا د مينې کر دی 05 ستا په راز به ژبه هم نه کړم خبره تل تر ژبې رسېدلی راز سمر دی 06 زه له عشقه خبر نه يم چې عشق څه دی هومره اروم چې له حسينه يې اثر دی 07 چې يې عشق تر سره کړی، هغه کوم دی په دا کار کې لاف وهلی يوه هر دی 08 صبر مه غواړه له ما د عشق په کار ې جودانه صبر په ماباندې لوی غر دی 09 عاشقي لا زه ته نه وو چې پيدا وه نه چې ما وتا گډ کړی دا هنر دی 10 خو زما طالع ښه نه دی يار جفا کا گڼه کوم يو په وفا تر ما بهتر دی 11 د عشق غم له خلقه پټ لره خوشاله څه يې پټ کړم چې جهان ځنې خبر دی د قاموس مانا × اصلي کلمه
