ازلي بخره چې چا راوړه له خدايه

ازلي بخره چې چا راوړه له خدايه

نورېدل به يې په چا شي راته وايه

چې دې زړه راضي د چا په ازار نه وي

ته په خيله بخره خوښ اوسه همايه

دا يې واړه له فراقه نه فرياد دی

چې په څو رنگه نارې اورې له نايه

که په اصل دی سيد، بادشاه زاده وي

چې هنر ورڅخه نه وي مه يې ستايه

که هر څو دې زور، قوت تر هر چا ډېر شي

دخداييې دعوه مه کړه کد خدايه

يو ساعت چې په طاعت تېر کړې دا ښه وي

د دنيا له کر و فره، هوی ، وهايه

کله گل غوندې نمای کله بلبل شې

څوک به نه وي لکه ته يې خودنمايه

بله بخره به په زور له چا وانخلې

د خوشال بخره چې توره ده له ځايه