باغ وای د گلونو، په کې ناست وای زه او ته

باغ وای د گلونو، په کې ناست وای زه او ته

گل وای غوړېدلی باندې نماست وای زه او ته

زېړه زعفراني شوای، يا گلگونه معطره

لاس تر لاس نيولي سره ځغاست وای زه او ته

سپينه خوله دې راکړای بيا مې هم درڅخه غوښتای

نور خواستونه نه وای خو دا خواست وای زه او ته

تل مې درد وغم وای د زړه کاست او مهر مينه

تل په دا دنيا دا کم و کاست وای زه او ته

رنگ د غماز ورک شه، درست روزگار دې در ناراست کا

ځای د ناراست نه وای سره راست وای زه او ته

نمر خېژي خوشاله چې خروس د سحر بانگ لي

شرط د پټ نياز دی چې برخواست وای زه او ته