بوی يې ديار د تورو زلفو عنبرو راځي

بوی يې ديار د تورو زلفو عنبرو راځي

د زړه بلبل ځکه گلشن ته په نعرو راځي

اوس محافظ د عاشقانو د هستۍ شه مولی

جانان محفل ته نن په ناز او په نخرو راځي

صومعه نه ده دغه ده صحرا د عشق واعظه

دلته لړلي لېوني په وينو سرو راځي

سم قاتل واخلي پلوشې واړه جهان کړي مسموم

سحر چې نور ديار په زلفو منگرو راځي

د عشق رنځور سره دوا ده رنج و غم د حبيب

دا مَېن نه دی چې صحت يې په دارو راځي

د حمزه جوش او مستۍ وار مو راغی اوس مرحبا

ډکې پيالې د يار د سترگو خمارو راځي