چا چې نړان ته خپل قدم په لاره سم ايښی دی

چا چې نړان ته خپل قدم په لاره سم ايښی دی

سايين صاحب ورته په خوږ زړگي ملهم ايښی دی

طالب د حق به يې له دره نه محروم ځي ولې

محمد عظيم په لا مکان ړومبی قدم ايښی دی

ورشه مالک له د کشمير چې غم دې ورک شي همه

د قسمتونو يې خالق لاس کې قلم ايښی دی

دغه لويي ده د سايين چې په درگاه د خواجه

دده امين په دروازه بالا علم ايښی دی

فنا فی الله کړي په يو ځل نگاه کولو سره

په منځ د وروځو کې يې عرش معظم ايښی دی

خوشحال خندان دې همېشه وي اهل بيت د سايين

دوی کې پاک رب جود وسخا لطف و کرم ايښی دی

راز د خيات ابدي به در معلوم کړي حمزه

زمونږ د پاره مصفی سايين رقم ايښی دی