چا وماته نصيحت کړ چې زر ښه دی

چا وماته نصيحت کړ چې زر ښه دی

ټولول به کا د زرو چې خبر دی

چې په کور کې خزانې لري د زرو

هغه کس که يک تنها دی زورور دی

هر بادشاه چې خزانه ور څخه نه وي

عاقبت و ر څخه تار په تار لښکر دی

هر سړی چې په نوم لوی په دولت کم وي

په معنی بد رنگه ښځه سپين څادر دی

په مثال يې دهغې مرغۍ مثال کړه

چې سينه يې کشاده تن يې لاغر دی

گوره ما د هغه څه رنگ ځواب ورکړ

چې به پوه شي هر سړی چې دانشور دی

ما وې مرد لره خو نام بويه نادانه

نه د زرو ټولول چې بد هنر دی

که هندو څخه انبار انبار مهران وي

په مهرانو به ښه نه شي مختصر دی

که په خره باندې د زرو صندوق بار کړې

خر به هيڅ په دا ښه نه شي خرخو خر دی

په هر کار کې مصلحت شته

که د سترگو اړول وي