چې ادب لري سړی، سړی هاله شي

چې ادب لري سړی، سړی هاله شي

بې ادب سړی، سړی کله باله شي

څه پتونه يې په شمار، په حساب نه دي

که په چا د اشناييې پت پاله شي

چې همت د سړي څو، قدر يې هومره

د تميز په تله هر سړی تاله شي

دولتمن سړی هغه بللی بويه!

چې له سينده يې جدا دچا واله شي

هر سړی چې دولتمن شي، که دانا وي

په هر کار کې دې نظر په خپل کاله شي

که د تورې کار دځوان دی يا د نور څه

مصلحت دی د هغه چې په زاله شي

دولتمن دې په هنر، په علم مټ کا

که هر څو ښايسته مخ وي بيا پساله شي

څوک دنيا وته مريو نه دي خوشاله!

شا زلمو وته د لوبو چنغاله شي