چې اخيستی چا دمال او دکمال خوند

چې اخيستی چا دمال او دکمال خوند

پرې لازم شو چې به اخلي د زوال خوند

که بېلتون په دې خبر وی رابه نغلو

چې په در کې يې دوا شته د وصال خوند

راز دعشق ورله کلۍ پاتې گل نه شو

چا چې واخيست د پرهر د اند مال خوند

د عاشق يې چې نصيب د ليدو نه وي

دمهرويو به وي څه د خط و خال خوند

د جنت پيالۍ د فکر په خوله شومي

څوک چې اخلي د سرو لبو دخيال خوند

ای زاهده عافيت دې ستا روزي شي

ما اخيستی دتهمت او د جنجال خوند

ای حمزه که سودايي شوې شکر وايه

چې دې واخيستو د زلفو د شمال خوند