چې د لويو کتابونو دانشمند وي

چې د لويو کتابونو دانشمند وي

د هلکو کتابونو په کار بند وي

چې خرما يې د بلوټ نه وي خوړلي

و هغو ته پټوې خرما خوند وي

چې دهند په شکرقندو خبر نه وي

و هغو وته گازرې شکر قند وي

د الگ په مناره به نظر نه کا

چې هغه ته د ډيليه ملک څرگند وي

هر سړی دخپل وطن ثناصفت کا

د هرچا تر فهم کښلی خپل فرزند وي

د ناپوه سړي د پند سره کار نشته

ما چې وليده دانا محتاج دپند وي

زه خوشال يې د دانش په سترگو وينم

د هر چا چې بده پوهه، غلط سند وي