چې د پلار په نصيحت نه کا ژغرۍ

چې د پلار په نصيحت نه کا ژغرۍ

د هغه زويه دانه شه په مرۍ

د پرون ورځې به نن حلاوت نه وي

که يې گورې ورځ په ورځ دي کهترۍ

لکه موږ د بابا زويه وو په نغته

اوس په دا دور له چا طمع لرئ

که له پلاره زويې مومي په رای درومي

گڼه نه کا زيست روزگار د پسرۍ

نورې واړه سرشتې برهم درهم شوې

خو په ځای ده سرشته د نوکرۍ

دا هم هيڅ حق د نمک ته نظر نه کا

په نايافت کې بهانه غواړي نرۍ

اوس په سپينه ږيره زر غواړه خوشاله!

که په زړه لرې دعوې د سرورۍ