چې راغی په نظر ښکلی در بار د پير بابا

چې راغی په نظر ښکلی در بار د پير بابا

مستي په ما طاري کړله ديدار د پير بابا

سيدعلي ترمذي ورد زما شو په زبان

شاهان نسکور پراته وو، په مزار د پير بابا

پراته به ولې نه وي بادشاهان د دوی په در

الله چې دی پخپله مينه دار د پير بابا

ثاني مشکل کشا دی په صورت او په سيرت

تفسير دی د والليل دزلف تار د پير بابا

طواف يې د مزار کړي ملايک سبا بېگا

حمزه کړو لېونی چشم خمار د پير بابا