چې وتم د عشق له بحره دا غوټه راله غوپه شوه

چې وتم د عشق له بحره دا غوټه راله غوپه شوه

يو ناوتی اسوېلی کې دخرد هره چپه شوه

ما له سوزه د يار مخکې کړه په زړه کې گيله جوړه

چې د ژبې سر ته راغله ساز يې واخيستو ټپه شوه

د سپين مخ نه په ږنځې چې يار زلفې واړولې

انتشار دفطرت زړه شو چرته ورځ او چرته شپه شوه

ای مطربه ترانه کړه چې وي روح پيدا کوونکې

د تن تن هره صدا دې دمنزل د عشق کړپه شوه

د کوم څيز پکې کمی ده چې سوغات يې ورله يوسم

دجوپې حاصل مې زړه ته، بس دټول عمر جوپه شوه

يو حمزه د پښتو شعر بابا دم و لاړو تېر شو

ترې پيدا دشاعرانو په سرحد لويه تپه شوه