نظم د غريق اوبه چې پاس واوړي تر سر خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 د غريق اوبه چې پاس واوړي تر سر د جهان له حاله هيڅ نه وي خبر 02 خبردار يې په اوږده په ساره نه وي چې درياب تر کومه لاړ دی پهن تر 03 اوس مې درست صورت د غم په درياب ډوب شه په هيچا باندې مې نه لگي نظر 04 اندرون بېرون همه په غم کې ځای شوم هم د غم سره مې يو شه درست پيکر 05 ژواک وژوند مې همگي واړه په غم شه غم په مثل لکه اور زه سمندر 06 شش جهته مې خالي له غمه نه دي په هر لوري واړه غم شوم زه احقر 07 په ژړا ژرا مې اوښې پاتو نه شوې په تمامه مياشت مې نه شي باڼه تر 08 غم په هسې شان بهوب بېخوده يوړم چې مې هېر شه د يارانو ښه بشر 09 هغه څيز چې دنظر نه پنهان نه شي وايي هيڅ يې په جهان نه و اثر 10 د غم شپه لکه يو کال شوه نه تېرېږي په خوشال باندې به کله کړې سهر د قاموس مانا × اصلي کلمه
