د گېډې د درد دارو

ښه دارو دي دا د گېډې

که دې درد کېږي د گېډې

انگزه سپېر کۍ جو کار هم

نمک سنگ واخله، اشخار هم

ښه څربه هليله گوره

پوست يې واخله زما وروره

دا پينځه توکيه همدمه

سره واړه دوه درمه

اوبه واخله څلور سېره

پرې د اور لمبه کړه تېره

سره واړه جوشيده کړه

نرم اور پسې سيده کړه

چې نيم سېر اوبه شي پاتې

اوبه نه وي کمې زياتې

بيا ورگډې کړه شکرې

په ناشتابه يې ونغري

چوهاره او لوی لاچي کړه

هم سورکت شکر تري کړه

هر يو وزن شېرشاهي کړه

ښه يې آس په همراهي کړه

که سيتې وي که کمودې

په اوبو يې کړه خمودې

و شبنم وته يې کېږده

د سبا تر وخت يې پرېږده

دارو وخوره له ما گوش کړه

دا اوبه ورپسې نوش کړه

په اول خوراک که جوړ شي

دې دارو نه به خود سوړ شي

او که نه داهسې بيا کړه

په سبا په بل سبا کړه