دا خو واړه د پټرولو برکت دی

دا خو واړه د پټرولو برکت دی

چې سوا دي د سړيو نه موټرې

په کويت که دغريب گوزاره نه شي

دي پکار چې چرته لاړ شي ځنې لرې

نن د يار له ښهره سترگې سرې څيرې گرېوان ځمه

ای د ديدن جذبه جوړ په تا باندې نادان ځمه

يو ديدن د زلفو چې خبر د ژوند په راز کړمه

اوس دجمعيت له ډېره زوره پرېشان ځمه

وايم به هغه چې د ستا سترگو رازده کړي دي

ښکليه ځکه زه دې بې پروا له امتحان ځمه

دا هستي له ما وه او که زه له دې هستۍ ومه

کور د آيينې نه حيران راغلمه حيران ځمه

تا چې ما حمزه وته په کونج د سترگو وکتل

اوس به لا په پورته دعالم نه د امکان ځمه