د خوشال خټک د حال پوښتنه څهکړې

د خوشال خټک د حال پوښتنه څهکړې

په درون کې يې گرومونه دی ځيگر

له وجوده يې يو هسې څيز پيدا شو

چې په خوی تر خرس و خوگه دی بتر

د هر څيز رجوع واصل وته کېږي

په فرزند کې زيات د مور کېږي اثر

په دروغ په بې شرمۍ په بد قولۍ کې

يا جهود، دی يا تر سا دی يا کافر

په خست په بخل لابده مبتلا دی

يو درم به پېرزو نه کا په پدر

خو يک لخته دخپل ځان په ښېرازۍ دی

ښېرازي يې په کار نه ده د پسر

په خست يې څو زر گونه سره ټول کړل

لا هم هسې ور پسې دی گيدی خر

که د پلار خوني يې مري په دوه روپۍ

هغه دوه روپۍ به ځار نه کا تر سر

دی په مثل لکه تروړی زر يې پوست شول

گوره څوک به يې له تنه کا بدر

په وسواس په نامردۍ په وهم وېره

لا په زړه به وي گيدړ تر ده زړور

پلار نيکه ته يې نه خوی دی نه يې رنگ دی

درست په خوی په بوی پيدا دی د مادر

دمور پلار نيکه يې واړه پدرکش وو

دچارپايو د ددانو په سير