د مو سپينې اي بواسير علاج

که علاج دموسپيني کړې

د کيوړې پټ به سهي کړې

دا ميده خالص تنها کړه

ښه غوړي دغوا پيدا کړه

پټ په وزن دوه دمړي کا

او څلور پسې غوړي کا

دوه خوراک متواتر خوره

او غوړي وريجې وافر خوره

که پرې ډک کاندې شکم

مو سپينې به دې شي کم

له پرهېزه وکړه بيم

دا حکمت دی د حکيم

څلورمه ورځ به خلاص شې

له دې رنځ به بې وسواس شې

که خرول واخلې بيماره

ور سره گډ گوړه ياره

دا دوه توکه سره آس کړه

په ناسور باندې يې پاس کړه

که کرم د کريم وشي

ستا ناسور به په دې ښه شي

د سبا په وخت يې وخوره

څه خو پس پرې اوگره وخوره

که دې زړه څه خو خفه شي

لږ سپېر کۍ دې پرې کپه شي

کدو دانه که خراطين وي

يا بل قسم سور او سپين وي

همگي به پرې معدوم شي

په خوراک به خود معلوم شي