د صحبت خبرې

اول زړه ښه کړه د يار

ښه په بوس او په کنار

بيا له پسه که پوهېږي

وصحبت ته شه تيار

په ورور لذت اخله

ښورېده کړه په وار وار

د شهوت په تويېده کې

په تعجيل شه په تلوار

چې فارغ شې له شهوته

په سينه يې شه کرار

د خپل يار مقصود پوره کړه

دخپل يار اوسه غمخوار

خوله يې پاس کښېږده په شونډو

ښکلوه يې گلعذار

په هفته کې يوصحبت کړه

که هر څو يې قوت دار

مکرر صحبت بلا دی

ستا به وباسي دمار

سړيتوب بويه په کار کې

عادت مه کړه د حمار

دغه ځای لکه کوهی دی

په کې مه شه نگونسار

که شهوت په امساک بند کړې

په سوزاک به شې بيمار

تل شوده پی د بزو خوره

يا د غوا څښه په نهار

ور سره ميده لونگ کړه

له شودو پيو شه ځار

مه معجون خوره مه څه نور څه

دځان مه غواړه ازار

تل تريد خوره د ښو پسونو

ور سره څه خوره اچار

دوپيازه د چرگو هم خوره

نور به څه وايم بسيار