غزل
د هر چا په يوه څيز خاطر تړلی
خوشحال خان خټکد هر چا په يوه څيز خاطر تړلی
د خوشال خاطر تړلی په خوبا
چې يار مهر و فا نه کاندي څوک څه کا
چې بې جور و جفا نه کاندي څوک څه کا
که هر څو ورته ويل کړم څه خو مهر
چې مې غوږ په وينا نه کاندي څوک څه کا
د جهود به هم زړه سوی راباندې وشي
چې يار رحم په ما نه کاندي څوک څه کا
ما وی زړه يې گوندې نرم په ژړا کړم
چې اثر پرې ژړا نه کاندي څوک څه کا
که وصال يې په دنيا له عمره خوږ وي
چې تل عمر وفا نه کاندي څوک څه کا
حال دې هيڅ له ياره پټ نه دی خوشاله!
عنايت چې په تا نه کاندي څوک څه کا