د وينې د وېستو فايده

فصد سړي لره نافع دی

د هزار علت دافع دی

که سر سام دی که بر صام دی

که د شنجيو دا نوم نام دی

که سکته ده که سنپات دی

که د تپ څه آفات دی

پمن والی که جوثه وي

که دخولې بده مزه وي

بد بويي د خولې يا وينې

چې يې پاس يا کوزې وينې

که خناق که مفاجا وي

له فاسدو وينو دا وي

چې وکاږي له قيفاله

وينې لا ښې وي ای لاله

هفت اندام وي که قيفال وي

فصد دې هر کله هر کال وي

تر پنځوس چې عمر تېر شي

د فصد کار د نه لږ ډېر شي

په پسرلي په مني ښه دی

فصد په بل آوان ښه نه دی

درد و کام آماس د کومي

په هر ځای علت د سپومي

فصد جلاب دا دواړه څيزه

لازمي گڼه عزيزه

بل غشيان ور سره هم دی

هره مياشت غثيان لازم دی

څوک چې کا دا دوه درکاره

تل به خلاص وي له آزاره

چې د هر زحمت دوا دی

فصد جلاب غثيان هم دادی

په ډېر رنگ جلاب کېږي

هوښياران به پرې پوهېږي

په جلاب د هليلې دي

د تروې هم ورپسې دي

عام و خاص لره چې ښه ده

ښه تازه جمال کوټه ده