غزل
د زړه حجره کې مې غوغا شوه کمه
امیر حمزه شینوارید زړه حجره کې مې غوغا شوه کمه
ځم د غمونو مېلمانه گورمه
سترگې کړه ما سره بدلې اشنا
چې هغه وگورې چې زه گورمه
بغير له زړه د زړه بها نشته دی
زړه ورکوم خو چرته زړه گورمه
بې ستا له مخه مې بل مخ ونه ليد
په نمر خاته په پرېواته گورمه
له تږيو سترگو نه مې ډار مه کوه
د تا په سترگو کې اوبه گورمه
ستا په نظر کې چې دي سپک واعظه
زه هغو سپکو ته درانه گورمه
جار له ترخو دې زه حمزه يم اشنا
چې په ترخو کې دې خواږه گورمه