دغيرو ښکار نه وي هېچرې دشېرانو پکار

دغيرو ښکار نه وي هېچرې دشېرانو پکار

د بل د خوان يخي ټوکړې وي دشېخانو پکار

دعشق غمونه په قوت به اوچت نه شي له چا

د دو دپاره لوی همت دی دمردانو پکار

پير مغان جاري کړو حکم چې واعظ راولئ

په ميخانه کې نن هغه دی د رندانو پکار

لرې زنار د تسبيحو يې کړئ د غاړې ځنې

داسې څيزونه دي اکثر دهلکانو پکار

راضي به نه شي بې شرابو د الست دی حمزه

نه دي نور څه د بېنوا د ملنگانو پکار