درويشتم فصل - په بيان د ملعمه کې چې د کوم ځناور ښه ده ؟

درته ووايم چې ښې غوښې دي کومې؟

کومې سردې کومې گرمې خشکې کومې؟

چې به باز په کې تندرست فراغت اوسي

په خوښۍ يې و ججورې ته ته يوسې

په چارپايو کې اول دي د مږه غوښې

د تندرست ويکساله دخوسي غوښې

د حلوان غوښې هم ښې دي سردې ترې

که د بزې دي که دغوا دي چرې چرې

هر غرڅه څاروي چې زوړ غوښې يې بدې

که ضرور وي که ناکام وي نه دې ردې

سردې خشکې دي غليظې دغوا غوښې

هاضمې لره تر غوايي دخوسي غوښې

د اشتر د سرږې غوښې يو مثال دی

گرمې خشکې د فالج د رنځ قتال دی

د فرس او د نيله گاو غوښې يوشان دي

گرمې خشکې په عمل واړه يکسان دي

غوښې بدې دي دخرې دگوره خرې

هم غليظې هم بد هضمې گرمې ترې

ځوانه چرگه هم کوتره ده بهتره

لا دچرگې نه بهتره ده کوتره

که تمځری که سيسۍ ده او که زر که

که فاخته ده که چڼچڼه ده که کرکه

ددې واړو غوښې ښې دي گرمې خشکې

لا په تېره غوښې ښې دي د کنجشکې

د ماهي غوښې د بطې دهيليې

گرمې ترې دي خبر که په دا ته يې

هغه غوښې چې د باز دي درته وايم

د تارو دې د دراج دي څو يې ستايم

يا د زرکې د سيسۍ يا د زاغچه دي

يا خو غوښې د ځوان چرگ د بودنه دي

دگوسفند يا د آهو يا دخرگوش دي

يا د زاڼې يا د بطې يا دموش دي

زړه دمږه کوتره غوښې د چڼچڼې

د شاهين که، که دده فلاکت سکڼې

دا وړې مرغۍ د چا دي د باښې دي

که هر څو وړو مرغونو لره ښې دي

که فاخته که چرگه ده که موسيچه ده

د دوی غوښه د بارۍ د پاره ښه ده