دومره اضطراب زما خبر د کوم سکون دی

دومره اضطراب زما خبر د کوم سکون دی

خدای زده له کوم عقله پيدا شوی دا جنون دی

نن به راته گران و که مې خوف له سبا نه وي

نن چې دا ستم کوي هم هغه تېر پرون دی

مرگ چې مخامخ درته ښکاره هره لحظه وي

هله به پرې پوهه شې چې څرنگه ژوندون دی

تل به فخر علمه فخر ستا په غلامۍ کړم

شوم لکه اسمان چې خم مې تا وته زنگون دی

ښکاري چې ايله اوس زه حمزه يم په لار شوی

هېڅ خبردار نه يم چې په کومه لاره يون دی