فصل - د نمانځه د مکروهاتو

په تکبير چې لاس بالا کړې

ته يې پور ته تر سر لا کړې

قرات لوسته په بيړه

خوله بې رنگه پټه ويړه

بيا د سترگو پټول دي

يو سر بل سره غړول دي

په رکوع کې سر کوز پاس کړې

يکلخت کوز مړوند د لاس کړې

ښۍ پښه په تشهد کې

کښېنې ته په تردد کې

منگول ټول کړه په نماز کې

لاس کړه ټول د نماز راز کې

تر سلام پخوا چې وکړه

سجده سهوه هم ښه نه کړه

دولس دادي چې انشا دي

اته نور موضوع هم دادي

څوک چې مونځ کاندي سر تور وي

چې نمونځ کا مخ يې په اور وي

يا چې نمونځ دی سر برهنه کا

دا مکروه دي که سجده کا

چې ملا وتړي نمونځ کاندي

جامه نغښتې وروستو وړاندې

چې نمونځ کاندي مخ صورت ته

چې نمونځ کاندي مخ تربت ته

نمونځ چې که په شاه راه کې

په حمام يا په پايگاه کې

نمونځ چې کاندي په اسيا کې

يا چې که په استبرا کې

رودخانه چې ځای نمناک وي

احتمال دی چې نا پاک وي