فصل - دنفل مانځه وختونه

درته وشمارم وختونه

که څوک کا نفل نمونځونه

يو يې وخت د ماسپښين دی

د مانځه په خواتعيين دی

بل چې نمونځ دماښام وکړې

اختيار لرې چې ته کړې

بل چې نمونځ دعشاء وشي

که څوک نفل کا هم ښه شي

بلچې وخت د سحر راشي

تهجد په تا روا شي

تهجد اته رکعته

دي په شمار له روايته

په څلور نيته رغېږي

چارگانه هم ادا کېږي

فضايل لره چې ښې وي

مياشتې ورځې پاکې شپې وي

درست رجب تمام شعبان هم

ورځې شپې د رمضان هم

د شبقدر شپه تمامه

دحاجيانو ده عامه

ورځ و شپه د جمعې درسته

ورځ و شپه دعرفې درسته

چې گذاري د شپې نمونځونه

خدای به ورکا نه څيزونه

شک په داکې ناروا دی

چې حديث د مصطفی دی

پنځه څيزه په دنيا کې

څلور څيزه په عقبی کې

له بلا به يې امان وي

تل به زړه دده روښان وي

مينه دار به پرې عالم وي

په دوستۍ به يې محکم وي

فيض به مومي له نېکانو

غم به نه کا له بدانو

پارسايي به يې نصيب وي

له نېکانو به قريب وي

پس له مرگه به له گوره

روڼ مخ پاڅي زماروه

په صراط به غم نه مومي

لکه برق هسې به درومي

واړه دا حديث صحيح دی

پوشيده نه دی صريح دی

گناهونه به يې پټ وي

تهجد بهورته خټ وي

په ښي لاس به نامه ور کا

په ښاديې به يې سر کا

تر دا درسته دنيا واړه

که دنيا ما فيها واړه

ښه د نيمو شپو سجود دی

دوه رکعته ډېر لاسود دی

څو د شپو نمونځونه څومره

درجې دجنت هومره

د جنت په درجات دي

سکه دليل په صلوات دي

روڼوي دشپې نمونځونه

په سبا په ورځ مخونه

تحيت د وضو بويه

چې تهجد گذار دی زويه

وتر نمونځ چې تهجد وکړې

ور پسې به ي ې بيا ته کړې