فصل - صفت د غسل

غسل فرض د جنابت دی

په قرآن کې روايت دی

چې جنب شي دخول وکړي

بويه دا چې ځان اوده کړي

يا پېشاب وکړه ای ځوانه

مني لرې کړه له ځانه

بيا و غسل ته ځان ساز کړه

غسل دا رنگه آغاز کړه

اول ولنه د لاس بويه

ښه کوزه کړه باندې تويه

له لاس وللو چې وزگار شې

استنجا له به تيار شې

نجاست له تنه دور کړه

بيا لاس نور علی نور کړه

که دېوال که خاورې پاکې

وچې خشکې يا نمناکې

لاس پرې ومږه څو واره

لاس ښه پاک کړه يار د ياره

ماء په خوله کړه له اوله

غر غره وکړه درې ځله

بيا و پوزه اوبه ورکړه

بس دا غسل دی باور کړه

که تمام اودس ته وکړې

غسل بيا وکړه هم ښه کړې

وچ که پاتې تار د موی شي

جُنب باتو زن و شوی شي

چې کوڅۍ د سروو د وی

که بې شماره ډېر هر څووی

چې تر ته يې اوبه يوسي

نور دې هسې وچې اوسي

دکوڅيو بېخ چې تر شي

وچ وېښته يې هم بهتر شي

جنابت دی که نفاس دی

که د خيض کوز و پاس دی

دجنب غسل چي شان دی

د نفاس غسل آن شان دی

کار د درې واړو يکسان دی

پرې به پوه شي چې انسان دی

چې په خوله اوبه اندر کړه

يا و پوزه اوبه ورکړه

په وضو کې دا سنت دی

په تغسيل کې فرضيت دی

ته چې غسل کړې ای زويه

څلورمنه اوبه بويه

د تنها طهارت من دی

هغه نور د درست تن دی

که يې زياتې کړې تبذير شي

که يې لږې کړې تقصير شي

که په کور کې يې دا دود دی

هيڅ اسراف نشته که رود دی

تر څلورو منو کمې

بدې زياتې شي وي سمې

که جُنب په سيند کې ډوب شي

کار دده د غسل خوب شي

که باران باندې ورېږي

تن يې لوند شي غسل کېږي

بويه دا چې اودس وکا

بيا دې نمونځ سره هاله کا

کار چې ستا د جنابت وي

ته يې زده کړه چې سنت وي

يو چې لا س په دېوال پاک کړې

يا چې مښته يې په خاک کړې

يو چې واړه اودس وکړې

بيا تمام غسل هاله کړې

بل چې پاڅي پرېږدي خپل ځای

پښې ښې پرېوينځي بل ځای

په هنگام د غسل ياره

ورد دا سود لري بېشماره ( بسم الله الذي لا يضر مع اسمه شيء فی الارض و لا في السماء . . . . . برحمتک يا ارحم الراحمين)

چې تمام غسل ادا که

بويه دا چې دا دعا که ( اللهم اني اسالک تمام الوضوء و تمام النحر و تمام . . . . . الهي بفضلک و برحمتک يا ارحم الراحمين )

چې د ښځې وينې وينې

په درې رنگه به يې وينې

حيض نفاس استحاضه دي

سره او زېړ و بياضه دي

د زنانو له زه دانه

راځي نه له پاسه جانه

د اقل يې دي درې ورځې

د اکثر يې لس چې خوځې

که تر درې ورځو نه کم وي

تر لس ورځو افزون دم وي

کم ډېر استحاضه دی

تېر وبېر استحاضه دی

چې ايام يې خطا نه وي

پرې اودس په هر مانځه وي

چې ايام ځنې خطا نه وي

پرې اودس په هر مانځه وي

چې ايام ځنې خطا شي

په هر وخت غسل روا شي

د نفاس اقل پاکي ده

څلوېښت ورځې بې باکي ده

تر څلويښت که زياده وي

هغه هم استحاضه وي

يو دخول د حيض عار وي

نور روا واړه روزگار وي

لکه حيض چې د نساء دی

هسې کار د نفاساء دی

نمونځ روژه نشته په دواړه

هم لوستن تلاوت واړه

د روژې قضا دې کاندي

د نمانځه نشته پرې باندې

چې نساء مستحاضه وي

حکم دا دی که دې زده وي

دا دې کار که لکه پاکه

په دخول کې ده بې باکه

د حيض وينې دي سرې غوړې

يا کبودې تورې زيړې

د پاکۍ دي اوبه سپينې

پاکيزه په رنگ مهينې

چې عادت د ښځې څه وي

هغه وخت سپينې اوبه وي

حيض که کم شي له عادته

نشته غم له طهارته

دا دې ځان په غسل پاک کا

نمونځ روژه دې په تپاک کا

يو دخول دې هاله کاندي

چې عادت ور شي د وړاندې