فضايل د رسول د اصحابو او خلاف په مراتبو د دوی

د رسول چې لوی اصحاب دي

خدای ياد کړي په کتاب دي

سَاقُونَ الاَولُونَ

راشه واوره په غوږونه

فضيلت د واړو ډېر دی

تر شماره تر حساب تېر دی

که د دوی فضيلتونه

غواړې گوره آيتونه

هر اصحاب يې چې په نوم دی

لارښېونی کالنجوم دی

چې اصحاب ته يې دشنام که

په لعنت به ځان بدنام که

د شېخينو سب چې کاندي

صد لعنت په هغو باندې

د اجماع په حکم ياره

کشني هغه و شماره

لس ياران يې صحبتي دي

شک و مه کړه جنتي دي

بو بوبکر بل عمر دی

بل عثمان دی بل حيدر دی

پنځم سعد ای ياره

بيا شپږم سعيد و شماره

ور پسې طلحه زبير دی

خپل وجود يې دی نه غير دی

بيا ابو عبيده نهم دی

بيا عبدالرحمن لسم دی

دا ياران دده عشره دي

چې عشره مبشره دي

خلافت دچار يارانو

په دېرش کاله ويارانو

يا د پسه بادشاهي شوه

په سپيدۍ کې سياهي شوه

اول بغی را پيدا شول

څوک بادشاه څوک امرا شول