غونچې مې د اميد کړه خندا پيره بابا

غونچې مې د اميد کړه خندا پيره بابا

بلبل د معرفت مې کړه، شيدا پيره بابا

نيمگړې تماشا يم څوک مې نشته د کتو

هر څيز راته نيمگړې تماشا پيره بابا

گرمۍ د تمنا شوې اسوېلي د ناکامۍ

جليا شومه چې نه شومه جليا پيره بابا

اوس شپې د محبت مې بوږنېدلې غوندې دي

مجنون شوم که رخصت مې شوه سودا پيره بابا

دنيا گړنگ ده ماته زه وحشي او بې قرار

نگهت غوندې مې جوړه کړه دنيا پيره بابا

امسا مې ستا دقد شه د ناتوان همت په لاس

همت مې شه هستۍ لره امسا پيره بابا

دنيا ده بېنوا او که حمزه دی بې نوا

هر څيز ورته ښکارېږي بې نوا پيره بابا