که د انسان د پاره نه وايمه

که د انسان د پاره نه وايمه

ژوند د افغان د پاره نه وايمه

دا چې زه وايم چې ته ځان يې زما

گوره د ځان د پاره نه وايمه

غم د پرېشان د پاره وايمه زه

ستا دزلفان دپاره نه وايمه

ښکليه وفا خو د جفا نه ښه وي

دخپل ارمان د پاره نه وايمه

ښکليه د ښکليو آيينې خوښې وي

د زړه حيران د پاره نه وايمه

د تبسم تندر دې لا شه په زور

د امتحان د پاره نه وايمه

که مې قصه خپله قصه وگڼې

بيا د عنوان د پاره نه وايمه

ته په ستم کې لاثاني يې اشنا

دا داسمان دپاره نه وايمه

حمزه ته گران يې گرانه، گرانې کوه

زه داسان دپاره نه وايمه