که د زويو مې لښکر دی هيڅکاره دي

که د زويو مې لښکر دی هيڅکاره دي

لا د دوی له غمه هسې تار په تار شوم

په نېکنام پسې که زړه د راڼۍ چوي

د بهاگو خاطر خوشال شو په کامران

د بازونو ښکار مې هم دمه د زړه وه

دنظر په کمي کم دباز په ښکار شوم

په طاعت په عبادت که څه حاصل وي

شکر دا چې وطاعت وته وزگار شوم

زه خوشال خټک حيران يم نه پوهېږم

چې دچرخ دلاسه څه وم په څه شمار شوم

يو ستم داورنگ زېب بله پيري شوه

په دا دوه توکه دا هسې خوار و زار شوم

شپږ اووه مياشتې په هند په خراسان

چېرته ونه شو په سم په غره باران

داوبو د وښو ډېرکمامت وشو

ځای په ځای شول د غلې نرخونه گران

چې باران په جهان وشو پس له ياسه

فتح الباب وپه تحويل دسرطان