که په برخه مې د مستو سترگو مينه ورسېږي

که په برخه مې د مستو سترگو مينه ورسېږي

نو جذبه به مې مطلب ته مخ رنگينه ورسېږي

شه موسکۍ سترگې په سترگې چې بارخو دې حيا سره کړل

چې زما مړوني ارمان ته، تازه وينه ورسېږي

ستا د وروځو بڼو زلفو، علم کله زده کېدی شي

که له هند او له تاتاره، ان تر چينه ورسېږي

که فرهاد شې په معنی کې د تېشې کارول زده کړه

کړه باور چې ستا په برخه، به شېرينه ورسېږي

حمزه کم به يې دوستان وي، هم به تور پرې وايه کېږي

چې خبره په فطرت کې د چا سپينه ورسېږي