که په صهبا کې او په جام کې غيريت نشته

که په صهبا کې او په جام کې غيريت نشته

ستا په دشنام او په انعام کې غيريت نشته

که دې کفن او په احرام کې غريت نشته

بيا دې اغاز او په انجام کې غيريت نشته

جار دې د سترگو نه اشنا که ته ککۍ شوې زما

بيا په دې بام او په بل بام کې غيريت نشته

گله اغيار سره يې وکړې ماته هم گورې

ستا په خندا او انتقام کې غيريت نشته

واعظه پرېږده زړه او ژوند سره جدا وي کله

هېڅ په پښتو او په اسلام کې غيريت نشته

زړه مې اشنا دی که ته زلفې په هر رنگ جوړوې

په دې مارغه او په دې دام کې غيريت نشته

حمزه گرمي يې داحساس په زړه لمبې کړې بلې

اوس محبت او په سرسام کې غيريت نشته