که صورت وته دې گورم، په صورت کې يو حيوان يې

که صورت وته دې گورم، په صورت کې يو حيوان يې

که معنو وته دې گورم شهزاده د کل جهان يې

چې ظلوم، جهول يادېږي ( کنت کنزا) هم پوهېږې

ته و دا ته نظر مه کړه چې دا غوښې استخوان يې

چې مسجود و دملکو، ځای يې پاس و په فلکو

ته خلف د هغه هسې خليفه پدر نښان يې

غوښې، هډ څه په کار نه دي، دا د گاو او هم د خره دي

د گدا په کند کې پټه، ته يو څه رنگه سلطان يې

چې يې ستا په حال پېغور شو، تر ابده يې مخ تور شو

د چا نوش يې، دچا نېش يې، دچا درد، دچا درمان يې

د دنيا، عقبی باغونه په کې واړه نعمتونه

واړه ستا دپاره جوړ دي، ته مقصود د(کن فکان) يې

که هر څو گلونه ډېر دي، تر حساب تر شماره تېر دي

د فطرت په حديقه کې نو باوه دگلستان يې

نور به څه وايې خوشاله! له دې حاله له احواله

هم دا هومره ويل بس دي که پوهېږې نکته دان يې