غزل که يو دم د يار په غم فراغت کښېنې خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 که يو دم د يار په غم فراغت کښېنې په دا دم به له عالم فراغت کښېنې 02 که دې کار د محبت ونيو په لاس کې په دا کار به خوښ، خرم فراغت کښېنې 03 که گدای شې دمغان په خرابات کې همېشه به لکه جم فراغت کښېنې 04 ډېر و لږ د زړه زحمت دی که عاشق شې ته به تل له بېش و کم فراغت کښېنې 05 که اختر دی که نوروز دی خو همدا دی مخ په مخ چې له صنم فراغت کښېنې 06 که په کوی کېيې مقام وکړې زاهده! په خاطر به له ارام فراغت کښېنې 07 لاس په لاس بهشت همدا دی ای خوشاله! چې خپل يار سره يو دم فراغت کښېنې د قاموس مانا × اصلي کلمه
