غزل
که زړه وته زما نوي داغونه رالېږي
امیر حمزه شینواریکه زړه وته زما نوي داغونه رالېږي
قربان دې له کرم نه چراغونه رالېږي
ارمان مې که راښکی شي په اغزو کې څه پروا
هر دم چې د وعدې ښکلي باغونه رالېږې
ساقي که په محفل کې باده نه راکوې خير
هر دم د مستو سترگو اياغونه رالېږې
اوس ستا چې تصور راوړي پېره په هر ساعت
اشنا د وړي زړه مې سراغونه رالېږي
ای عشقه د حمزه دې ټول غمونه وسېځل
دنيا ته د خاطر مې فراغونه رالېږي