کله د يار سترگې زما داسې استقبال کا

کله د يار سترگې زما داسې استقبال کا

ماته مستقبل او ماضي ښکلي لکه حال کا

حال يې محرک وي چې هر څوک په ژبه قال کا

حال خو هغه حال دی چې مې حال لکه د قال کا

ژوند د عناصرو اتصال نه انفصال دی

ژوند د عناصرو اتصال او انفصال دی

زړه گوشه نشين دی خو چې خوښ شو په گوښه کې

زغم يې پاتې نه دی په ذره ذره ملال کا

تور چې پورې نه شي د نېکانو څه ښايست دی

څومره افزوني د معشوقو د حسن خال کا

حسن چې پرېشان شي زړه راښکون يې يو په دوه شي

جوړه خورې يې زلفې سلسله د اختلال کا

کله خو يې قهر شي مرهم د خوږو زړونو

کله چې موسکۍ شي په مکېز مکېز قتال کا

تېرې هم رښتينې کاندي داسې وعده وکړي

نه شول دروغجن هېچرې ښکلي څه کمال کا

يو ځل دې څرگند شي خورې زلفې په نسيم کې

خير د حمزه عمر که يوه جوټه د ټال کا