کام د زړه که هر څو ښه دی

کام د زړه که هر څو ښه دی

تر ايمانه نه ښه نه دی

چې يې دا اندېښنه نه وي

هغه کس سړی په څه دی

اعتبار په دا دنيا کې

د سړي لکه لېمه دی

د هر چا چې لېمه نه وي

که بادشاه دی، خوار په زړه دی

سپی به ښه کړم تر مزري نه

سپی د کور، مزری د غره دی

خر که بد دی، بيا وری وړي

بد سړی بد تر تر خره دی

ته يې ويښ وينې په سترگو

غافل ويښ نه دی، اوده دی

په رښتيا کې زوال نشته

دا زما کلام په وله دی

اوليا بللي بويه

چې حلال په خوله، په زړه دی

ته يې سست وينې په سترگو

د خوشال اختيار تېره دی