کيف او مسرت چې د فنا او د عدم لرم

کيف او مسرت چې د فنا او د عدم لرم

ځکه دالفت دعرش په سر باندې قدم لرم

اوښکې مې دزړه په وينو ځکه آلوده نه دي

پټ مدام په زړه کې حسرتونه دصنم لرم

فخر پرې کوم ځکه چې مخ پکې د يار وينم

ښه به وي که ووايمه زه چې جام د جم لرم

ماته ړومبۍ ورځ چې جام دچشمو التفات و که

لا د هغه دمه تر اوسه زه سترگو کې نم لرم

مار نه يم چې سوړې له ورځم نو سر مې ښکته نه شي

زه مريی پخوانی يم مدام سر د نياز خم لرم

هېڅ راته حمزه دا جلالت دبادشاهانو دی

زه چې فخر علم ذوی اللواء والعلم لرم