غزل
ښه سړي د چا په بدو نظر نه کا
خوشحال خان خټکښه سړي د چا په بدو نظر نه کا
که څوک بد ورسره کاندي دوی به ښه کا
په بار داره ونه تل ورېږي کاڼي
ورته گوره چې باردار ونه څه کا
د جهان کينې غصې واړه تر شا کا
که سړی په وخت د قهر مرگ تر زړه کا
دا په دا چې خودبيني ور څخه نشته
د جهان نندارې ځکه دوه لېمه کا
په کينه، په حسد هيڅ د چا ونه شي
هر سړی چې حسد کاندي ځان اوبه کا
نصيحت د نېکو ښه دی، نه د بدو
کم بختان به بد فعلي د چا په خوله کا
و سړي ته يې اختيار ورکړ هوښياره !
که په هره چار کې خدای واړه خپل کړه کا
ورځ او شپه په لار روانې قافلې دي
نېک و بد د قافلې په لارې تله کا
يک تنها پهلارې تلنه ده خوشاله!
په دا هسې لار څوک څه د لارې مله کا