خيال د تا د زلفو پښتنې و نور څه نه وو

خيال د تا د زلفو پښتنې و نور څه نه وو

دا جوړ تصرف دگوښې شپې ونور څه نه وو

تت دې تصور شو دلږ وخت دپاره ياره

ښکاري چې دا رعب د کعبې و نور څه نه وو

وړاندې د منزل نه د منزل او لا د وړاندې

يو دجرس غږ د قافلې و نور څه نه وو

زه چې له بې پته زوړ اشنا شومه بې نيازه

زور د پښتنې ځوانې توبې و نور څه نه وو

بلې مې په سترگو کې ډيوې وې په سحر کې

دا څه برکت د شوگيرې ونورڅه نه وو

نن مې چې احساس داسې خوشحال غوندې ښکاره شو

ښکاري چې شمال د تاترې و نور څه نه وو

نور يې چې کيفونه ټول حمزه دي رانغړدلي

کيف د چشتيه د سلسلې و نور څه نه وو