غزل ښکاري اوس ارمانه سر و کار دې جوړ له نوله شو امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ښکاري اوس ارمانه سر و کار دې جوړ له نوله شو يار چې نن موسکی راته خلاف له خپل معموله شو 02 خوی به د حيوان يا د ملک پرې غالب شوی و ښه شو، د انسان انسانيت يې تر منځ پوله شو 03 عشقه که پوهېږي ستا ژوندون خو هم په دې کې دی حسن خو ژوندی دی، هم په دې چې بې اصوله شو 04 غم مې چې د مينې تربيت وکړو کامله شوه ورک ورځنې نقص د آفاقو له نزوله شو 05 دا به وي دروغ چې له اسلامه يې مخ ستون کړلو څوک چې (په ) رښتيا د پښتانه غيور له کوله شو 06 خوښه د اشنا ده چې قابل هم قبول نه کاندي زور پرې د چا څه دی چې قبول يې ناقبوله شو 07 عشقه خو چې څوک دې له کثرت نه په وحدت کړلو خلاص د افتونو د نسيان او له ذهوله شو 08 بس خو په يوه نقطه يو څيز له څه نه څه جوړ شي لرې له زحمت چې شو، رحمت يې رانزوله شو 09 فکر کړه حمزه چې ضابطه د زړه دې سمه وي غلا له کوره کېږي ور يې چې بې چوله شو د قاموس مانا × اصلي کلمه
