خوله مې غوښته له نگارې، را يې نه کړه

خوله مې غوښته له نگارې، را يې نه کړه

د رقيب په خوله شوه آرې، رايې نه کړه

ما وی درومم ستا له وره دعا راکړه

په فرياد او په چيغارې، رايې نه کړه

صبوري له جفا کاره ياره غو اړم

رايې وکړې ځينې چارې، رايې نه کړه

په يوه جلوه له ورايه رغېدې نور

دا زما سترگې بيمارې، رايې نه کړه

د يوې غمزې په طمع ورته گورم

عمر تېر شو په دا لارې، رايې نه کړه

په اميد وم چې يوه پياله به راکا

هغې مستې شراب خوارې، رابې نه کړه

وی يې در به کړم بوسه دخوږو شونډو

رانژدې نژدې شوه بارې، رايې نه کړه

گلدسته يې چې له باغه وه ويلې

که يې ورکړه و ريبارې، رايې نه کړه

هسې نه چې يې د زړه د لاسا نه زده

د لاسا لري تيارې، رايې نه کړه

زه خوشال د يوه کښلي په طلب وم

دا فلک لري بسيارې، رايې نه کړې