لړۍ لړۍ چې په ځايونو کې سنبل ښکاره شي

لړۍ لړۍ چې په ځايونو کې سنبل ښکاره شي

وايم سپرلی شو د اشنا به مې کاکل ښکاره شي

چې زنگ يې لرې کړو له زړه نه اوس ژړا څه پکار

قطره د آب د آيينې په سترگه گل ښکاره شي

د آزادۍ د سپرلي عيش کې وي مارغه مې د زړه

کله ديار چې په پنجره کې دمنگل ښکاره شي

لکه شفق چې ارزاني يې د ديدن نشته دی

پس له ژړا نه د باران په سپرلي گل ښکاره شي

مالگې د مخ يې څه کانې درباندې وکړې حمزه

لېونی جز کړې څه به شي خدای زده که کل ښکاره شي