لويه چار د پښتانه له لاسه نه شي

لويه چار د پښتانه له لاسه نه شي

مگر چار يې اسماني ده کمه کوزه

که هر څو يې سموم رانه سمېږي

چې کاږه دي دبدبختو څو وربوزه

په فساد کې هيڅ فايده نشته خوشاله

دفساد په اور کې سيځي واښه دروزه

هغه چار چې عاقبت لره ښه نه وي

دهوښيارو په مذهب ده لايجوزه

يوسفزي ننگيالي پښتانه نه دي

د بې ننگو پښتنو له منځه وځه

يا د بنو په لور درومه ټولاوه کړه

تر خوشابه پورې مل کړه شنه ډډوزه

يا په کونج کې دعزلت کښېنه طاعت کړه

يا مکې لره ځه، بس دا درې رموزه